جيميني 3 من جوجل.. الجيل الذي يعيد تعريف الذكاء الاصطناعي المتعدد الوسائط

جوجل أعلنت عن جيميني 3 أحدث نماذج الذكاء الاصطناعي عندها واللي بتعتبره خطوة كبيره نحية الوصول للذكاء الاصطناعي العام وبتوصفه بإنه أذكى وافضل نموذج في الفهم المتعدد للوسائط وجيميني 3 برو هو اول نموذج من المجموعة الجديدة اللي بيتوفر مباشرة للتجربة من خلال محرك البحث وتطبيق جيميني وادوات التطوير وده أول مرة جوجل تدمج نموذج كبير بالشكل ده في محرك البحث من اول يوم اطلاق والمستخدمين في وضع البحث المدعوم بالذكاء الاصطناعي يقدرو يستخدمو قدرته القوية في الأستدلال وانتاج محتوي نصي وتفاعلي بشكل دقيق وسلس وبتقدمه جوجل جنب لمحة مسبقة عن نموذج أعمق هو جيميني 3 ديب ثينك اللي هيكون متاح بعد ما تخلص الشركة اختبارات السلامة للمشتركين في خدمة Google AI Ultra. النموذج الجديد حقق رجوع قوي في منافسات النماذج العالمية وخصوصا بعد تراجع اصدار جيميني 2.5 قدام نماذج xAI و Anthropic وجيميني 3 برو قدر يرجع جوجل للصدارة من جديد في اختبارات LMArena و WebDev Arena وسجل 1501 نقطة متفوق على Grok 4.1 Thinking ومتقدم بفارق كبير عن جيميني 2.5 برو وحقّق كمان نتايج قويه في اختبارات تانيه زي Humanity’s Last Exam بنسبة 37.5٪ بدون استخدام أدوات وده حسب جوجل بيعكس مستوي استدلال قريب من مستوي الدكتوراه. جوجل بتقول ان النموذج الجديد بيوصل لمرحله اعمق من الفهم وادراك التفاصيل وانه مش بيجامل زي اغلب النماذج لكنه بيركز علي الحقايق وبيقدم اجابات واضحه ومباشره وفي مجال تصميم المواقع والبرمجه النموذج ده يعتبر افضل نموذج برمجه ذكي عند جوجل وسجل في WebDev Arena رقم 1487 وبيقدر يصمم العاب ثري دي من الصفر ويطور مواقع كامله وينفذ افكار برمجيه معقده بسهوله. جيميني 3 بقى متاح للمطورين عبر Google AI Studio ومع منصة Vertex AI وأداة Gemini CLI وكمان عبر منصات برمجه خارجيه زي GitHub وReplit وجوجل بدأت بالفعل طرح جيميني 3 برو للمستخدمين داخل تطبيق Gemini ومحرك البحث لمشتركي Google AI Pro و Ultra وهيتوسع الطرح تدريجيا لمستخدمين اكتر داخل وضع البحث المدعوم بالذكاء الاصطناعي في امريكا.