إنجاز طبي تاريخي.. أول زراعة قرنية مطبوعة بتقنية ثلاثية الأبعاد تعيد البصر لإنسان

شهد العالم خطوة طبية غير مسبوقة بعد ما حصل مريض كان بيعاني من العمى القانوني على قرنية منتجة بالطباعة الثلاثية الأبعاد باستخدام خلايا عين بشرية وهي بداية ناجحة لتجربة طبية مازالت في مراحلها الأولى بحسب ما أعلنت شركة بريسايس بيو المصنعة للقرنية المزروعة ومعروف إن زراعة القرنية دلوقتي بتعتمد بالكامل على أنسجة بشرية من متبرعين وده بيخلي الطلب أكبر بكتير من المتاح لكن التقنية الجديدة بتسمح بإنتاج مئات الغرسات داخل المختبر من خلايا مأخوذة من قرنية متبرع واحد وده تحول ضخم في عالم طب العيون وقال الجراح ميخائيل ميموني من مركز رمبام الطبي في إسرائيل إن دي أول مرة في التاريخ نشوف قرنية منتجة بالكامل في المختبر من خلايا بشرية حية بتعيد البصر لإنسان ووصف اللحظة إنها لمحة من مستقبل محدش هيضطر فيه يعيش في الظلام بسبب نقص المتبرعين والتجارب الحالية في مرحلتها الأولى وبيتم خلالها زراعة القرنية لعدد ما بين عشرة وخمسة عشر مريض ومن المتوقع حسب شركة بريسايس بيو الموجودة في نورث كارولاينا إن النتائج الأولية للتجربة يتم الإعلان عنها في النصف التاني من عام 2026 وده بيفتح باب جديد تمامًا لعلاج العمى وتوفير بدائل آمنة للأنسجة البشرية.